सुन्या सुन्या मैफिलीत माझ्या, तुझेच मी गीत गात आहे
अजूनही वाटते मला की, अजूनही चांदरात आहे !
कळे न मी पाहते कुणाला ? कळे न हा चेहरा कुणाचा ?
पुन्हा पुन्हा भास होत आहे, तुझे हसू आरशात आहे !
सख्या तुला भेटतील माझे, तुझ्या घरी सूर ओळखीचे
उभा तुझ्या अंगणी स्वरांचा, अबोल हा पारिजात आहे !
उगीच स्वप्नात सावल्यांची, कशास केलीस आर्जवे तू ?
दिलेस का प्रेम तू कुणाला ? तुझ्याच जे अंतरात आहे ?
उगाच देऊ नकोस हाका, कुणी इथे थांबणार नाही
गडे, पुन्हा दूरचा प्रवासी, कुठेतरी दूर जात आहे !
गीत - सुन्यासुन्या मैफिलीत माझ्या
चित्रपट - उंबरठा (१९७७)
गीतकार - सुरेश भट
संगीत - पं. हृदयनाथ मंगेशकर
स्वर - लता मंगेशकर
कोणत्याही टिप्पण्‍या नाहीत:
टिप्पणी पोस्ट करा