कविता : माझा चंद्र

रात्रभर आकाशात मी, चंद्र बघत असतो,
त्यातही माझ्या चंद्राचाच, चेहरा मला दिसतो ||१||

जसे लागते चंद्राला, कधी-मधी ग्रहण,
तसे लागले नात्याला, आमच्याही एक ग्रहण ||२||

सुटते चंद्राचे ग्रहण, कारण तीट त्याचे डाग,
कसे सुटणार आमचे, माझा चंद्र बेदाग ||३||

अवसेची रात्र काळी, नाही दिसत चंद्र,
अंधारले जीवन माझे, गायब माझा चंद्र ||४||

चांदण्यांचा लख्ख प्रकाश, कितीही सुंदर पडला,
शोभा नाही देत, पण, चंद्राविन आकाशाला ||५||

चंद्राच्या एका दर्शनाला, तरसे जसा चकोर,
चंद्रासाठी माझ्या, मन माझे भाव-विभोर ||६||

होतो कधी थोडासा, चंद्र चकोरास निष्ठूर,
का राहिलाय चंद्र माझा, इतका वेळ दूर? ||७||

चकोर चिंती सुख, चंद्रास नसे खबर,
देह जरी नश्वर, प्रेम असे अमर ||८||

मिलन नसे त्यांंचे, आता मज उमजावे,
दूर राहून चकोराने, चंद्राचे सुख पहावे ||९||

---- एक चकोर (जयराज)